राष्ट्रपति रामचन्द्र पौडेलसँग प्रधानमन्त्री सुशीला कार्कीले शिष्टाचार भेट गरेकी छन् ।
प्रतिनिधिसभा सदस्य निर्वाचनको पूर्वसन्ध्यामा प्रधानमन्त्री कार्कीले शीतल निवास पुगेर राष्ट्रपति पौडेलसँग भेट गरेकी हुन् । बुधबार राष्ट्रपति भवन शीतल निवासमा भएको भेटमा समसामयिक राजनीतिक तथा बिहीबार हुने निर्वाचन बारे छलफल भएको थियो ।
भेटमा प्रधानमन्त्री कार्कीले राष्ट्रपति पौडेललाई निर्वाचनको तयारीबारे बिस्तृतमा जानकारी गराएको राष्ट्रपतिको सचिवालयले जनाएको छ ।
