छिमेकी मुलुकसँग सीमा जोडिएका नाकाहरू बन्द

काठमाडौं । प्रतिनिधिसभा सदस्य निर्वाचनलाई लक्षित गर्दै छिमेकी मुलुकसँग सीमा जोडिएका नाकाहरू बन्द गरिएको छ । निर्वाचन अवधिमा हुन सक्ने सम्भावित घुसपैठलाई मध्यनजर राखेर सीमा नाका सिल गरिएको हो ।

फागुन १८ गते राति १२ बजे देखि २१ गते राति १२ बजे सम्म ७२ घण्टाका लागि सिमाना सील गरिएको जिल्ला प्रशासन कार्यालय मोरङले जनाएको छ ।

सीमा सिल गरिएपछि आयात निर्यात ठप्प भएका छन् भने आवतजावतमा समेत रोक लगाइएको मोरङका सहायक प्रमुख जिल्ला अधिकारी सरोज कोइरालाले जानकारी दिए ।

मोरङको करिब ६३ किलोमिटर भारतसँगको सीमा सिल भएपछि सुरक्षा सतर्कता बढाउन दुवै तर्फका सुरक्षा निकायहरूले आवश्यक गस्ती पेट्रोलिङ गर्न थालेका छन् ।

प्रमुख नाका तथा सहायक मार्गहरूमा चेकजाँच कडा पारिएको छ भने साना–ठूला सबै प्रकारका आवागमनमा निगरानी राखिएको छ । सीमा क्षेत्रमा अस्थायी सुरक्षा पोस्टसमेत स्थापना गरिएको छ ।

The post छिमेकी मुलुकसँग सीमा जोडिएका नाकाहरू बन्द appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....