पाल्पा । फागुन २१ मा सम्पन्न प्रतिनिधि सभा सदस्य निर्वाचनमा पाल्पामा २४ जना उम्मेदवारहरूको जमानत जफत भएको छ । ६ जना उम्मेदवारले भने प्रतिस्पधी देखिएका छन् । सदर मतको १० प्रतिशत कटाउन नसकेपछि २४ जमान जफत भएको हो जसमा स्थापित दलका उम्मेदवार समेत परेका छन् । क्षेत्र नं. १ मा ११ जना र क्षेत्र नं. २ मा १३ जना उम्मेदवारको जमानत जोगाउन पुग्ने मत प्राप्त गर्न सकेनन् ।
माघ ६ गते मनोनयन दर्ताको दिन निर्वाचन अधिकृतको कार्यालयमा उम्मेदवारहरूले १० हजार रुपैया धरौटी जमानत बुझाएका थिए । जमान जफत हुनेमा पूर्व मन्त्री सोम प्रसाद पाण्डेय, राष्ट्रिय प्रजातन्त्र पार्टीका जिल्ला अध्यक्ष डुल बहादुर कुँवर, राष्ट्रिय जनमोर्चा नेपालका जिल्ला अध्यक्ष विशाल दर्लामी, नेपाली कम्युनिष्ट पार्टी क्षेत्र नं. १ का उम्मेदवार हुमबहादुर सुनारी सहित राजनीतिक दल र ६ स्वतन्त्र उम्मेदवार रहेका छन् ।
The post पाल्पामा २४ जना उम्मेदवारको जमानत जफत appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....
