लमजुङको मतगणना परिणाममा पुनः फेरबदल आएको छ। साँझ ७:२० बजेको ताजा अपडेट अनुसार राष्ट्रिय स्वतन्त्र पार्टी (रास्वपा) का उम्मेदवार धर्मराज केसीले आफ्नो अग्रता लिएका छन्।
केसीले ४ हजार ८७६ मत प्राप्त गरेका छन्। यसअघि पहिलो स्थानमा रहेका नेकपा (एमाले) का नेता पृथ्वीसुब्बा गुरुङले मत संख्या घटाउँदै दोस्रो स्थानमा झरेका छन्। उनले ४ हजार २५५ मत पाएका छन्।
सुरुवाती चरणमा अग्रता लिएका नेपाली कांग्रेसका उम्मेदवार गम प्रसाद गुरुङ भने तेस्रो स्थानमा झरेका छन्। उनले ३ हजार ८०३ मत ल्याएका छन्। अहिले पहिलो स्थानमा रहेका धर्मराज र दोस्रो स्थानमा रहेका पृथ्वीसुब्बाबीच ६२१ मतको अन्तर देखिएको छ।
त्यस्तै, चौथो स्थानमा रहेका नेपाली कम्युनिष्ट पार्टीका हरि जंग तामाङले ५७४ मत प्राप्त गरेका छन्। मतगणना कार्य जारी रहेको छ।