सर्लाही निर्वाचन क्षेत्र नम्बर १ मा भएको प्रतिनिधिसभा सदस्य निर्वाचनको मतगणना शुक्रबार बिहानदेखि सुरु गरिने भएको छ ।
निर्वाचन अधिकृत टीकाबहादुर थापाका अनुसार अहिले विभिन्न मतदान केन्द्रबाट मतपेटिका संकलन गरेर ल्याउने काम भइरहेको छ। सबै स्थानबाट मतपेटिका आइपुगेपछि मतगणनाको तयारी गरिने उनले जानकारी दिए ।
'सबै स्थानबाट मतपेटिका बुझ्ने काम भइरहेको छ। लालबन्दी नगरपालिका–१० चन्द्रपुरमा मतगणना हुनेछ । भोलि शुक्रबार बिहानदेखि मतगणना सुरु गर्ने तयारी गरिएको छ,' थापाले भने ।