गण्डकी प्रदेशको गोरखा जिल्लामा हालसम्म २८ प्रतिशत मत खसेको छ। विहान ७ बजेदेखि शुरु भएको सो जिल्लामा दिउँसो साढे २ बजेसम्म ३० प्रतिशत मत खसेको जिल्ला निर्वाचन कार्यालय गोरखाले जनाएको छ।
गोरखामा हालसम्म ३४ हजार १ सय ४९ जनाले मतदान गरिसकेको मुख्य निर्वाचन अधिकृतको कार्यालय गोरखाका कर्मचारी टेक रानाले जानकारी दिए। उनका अनुसार दिउँसो साढे २ बजेसम्ममा महिला १६ हजार ६ सय २३ र पुरुष १६ हजार ५ सय ४५ मत खसेको छ।
मतदान शान्तिपूर्ण रुपमा भइरहेको गोरखाका निर्वाचन अधिकारी टेकबहादुर कोइरालाले जानकारी दिए। मतदान शान्तिपूर्ण छ,उनले भने,‘अवाञ्छित क्रियाकलाप कहीँ छैन।’
दुई निर्वाचन क्षेत्र रहेको गोरखामा क्षेत्र नम्बर १ मा १ लाख २० हजार ५ सय २५ जना मतदाता रहेका छन् भने २ मा १ लाख ८ हजार ५ सय ३३ मतदाता छन्। गोरखा १ मा एक स्वतन्त्रसहित १२ जना र गोरखा २ मा एक स्वतन्त्रसहित १३ जना उम्मेदवार रहेका छन।