एमाले धनकुटा उम्मेदवार राईद्वारा मतदान

धनकुटा । प्रतिनिधि सभा निर्वाचनमा धनकुटाबाट उमेदवार रहनु भएका पूर्व मन्त्री तथा नेकपा एमालेका राजेन्द्रकुमार राईले मतदान गरेका छन् । बिहीबार मतदान केन्द्रमा पुगेर उमेदवार राईले मतदान गरेका हुन् ।

उमेदवार राईले धनकुटाको पाख्रीबास नगरपालिका–७, मुगा स्थित सरस्वती प्राथमिक विद्यालय मतदान केन्द्रमा मतदान गरेका थिए । उनको जन्मघर समेत यहीँ रहेको छ भने बिहानै मतदान स्थल पुगेर मद खसालेका थिए । यस्तै आम जनता पार्टिबाट उमेदवार रहेका प्रेम बहादुर थापाले पनि यहीँ मतदान केन्द्रमा मत खसालेका थिए भने थापाको जन्म स्थान पनि यहीँ रहेको छ ।

मतदान केन्द्रमा निर्वाचन सुरक्षार्थ नेपाली सेना, नेपाल प्रहरी, सशस्त्र प्रहरी र निर्वाचन प्रहरी खटिएको र सुरक्षा व्यवस्था कडा पारिएको प्रमुख जिल्ला अधिकारी विनोदकुमार खड्काले जानकारी दिए ।

The post एमाले धनकुटा उम्मेदवार राईद्वारा मतदान appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....