रि–टोटलिङपछि थप तीन जना विद्यार्थीको चार जीपीए

गुल्मी । गत वर्ष सञ्चालन भएको माध्यमिक शिक्षा परीक्षा (एसइई)को नतिजामा रि–टोटलिङपछि गुल्मीका थप तीनजना विद्यार्थीको चार जीपीए आएको छ ।

जिल्लाको सिद्धबाबा माध्यमिक विद्यालयका दुई जना छात्र र शान्तिपुरस्थित चक्रेश्वर इंग्लिस बोर्डिङ स्कुलकी छात्राको चार जीपीए आएको हो । सिद्धबाबाका विशाल विक र विश्वास थापा एवं चक्रेश्वरकी सरगम सुवेदीको चार जीपीए आएको हो ।

गत २८ वैशाखमा प्रकाशित भएको नतिजामा सिद्धबाबाका विशाल र विश्वास दुवैको समान ३ दशमलव ९८ जीपीए तथा चक्रेश्वरकी सरगमको ३ दशमलव ९५ जीपीए आएको थियो । पछिल्ला तीन जनासँगै गुल्मीमा चार जीपीए ल्याउने विद्यार्थीको संख्या ९ पुगेको छ ।

गत वैशाखमा प्रकाशित नतिजामा जिल्लाको रेन्बो इंग्लिस बोर्डिङ स्कुलका दुई जना तथा महेन्द्र माध्यमिक विद्यालय, रिडी माध्यमिक विद्यालय, रेसुंगा माध्यमिक विद्यालय र शारदा माध्यमिक विद्यालयका एक÷एक जना विद्यार्थीले चार जीपीए ल्याएका थिए ।

The post रि–टोटलिङपछि थप तीन जना विद्यार्थीको चार जीपीए appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....