काठमाडौं l श्रम संस्कृति पार्टीका सांसद आरेन राई ले प्रतिनिधि सभाको बैठकको शून्य समयमा सहकारी प्रकरणका मुख्य आरोपित जिबी राईलाई सरकारले कहिले पक्राउ गर्छ भन्ने प्रश्न उठाएका छन्।
उनले सहकारी ठगी पीडितलाई राहत दिनुपर्ने बताए पनि त्यसको भार सरकारी ढुकुटीबाट वहन गर्न नहुने धारणा राखे। साथै उनले बाँदर व्यवस्थापन, सुकुम्बासी तथा अव्यवस्थित बसोबासीको समस्या समाधानबारे पनि सरकारसँग जवाफ मागे।
उनले संसदमा प्रश्न गर्दै भने, “बाँदर व्यवस्थापन कहिले हुन्छ सरकार? सुकुम्बासी र अव्यवस्थित बसोबासीलाई सरकार छ भन्ने अनुभूति हुने गरी व्यवस्थापन कहिले हुन्छ? जिबी राई कहिले पक्राउ पर्छन् सरकार?”