काठमाडौं । नेपाल चलचित्र निर्देशक समाजको अध्यक्षमा अरुणकुमार प्रधान विजयी भएका छन् । मंललवार राती काठमाडौँमा सम्पन्न १८ औँ साधारण सभा एवम् निर्वाचनबाट उनको अध्यक्षतामा नयाँ कार्यसमिति चयन भएको छ । अध्यक्षका अर्का उम्मेदवार जनकदीप पराजुलीलाई हराउँदै प्रधान नयाँ अध्यक्ष बनेका हुन् ।
समाजको दुई उपाध्यक्षका सुवास प्रसाद गजुरेल र दीपक वली निर्वाचित भएका छन् भने समाजको महासचिवमा समुन्द्र भट्ट विजयी भएकी छिन् । त्यसै गरी, सचिव पदमा राजबहादुर साने र संघको सह कोषाध्यक्षमा उत्सव केसी चयन भएका छन् ।
निर्देशक समाजको कोषाध्यक्ष र कार्यसमिति सदस्य भने निर्विरोध चयन भएका थिए । जस मध्ये कोषाध्यक्ष पदमा जनक खड्का चयन भएका छन् ।
यसै गरी नेपाल चलचित्र समाजको केन्द्रीय सदस्य पदका लागि साकार पन्त, अमर दीप सापकोटा, लक्ष्मण सुवेदी, लक्ष्मण सुनार, शिव शर्मा कँडेल र हस्तबहादुर लिम्बू निर्विरोध चयन छन् । यसै गरी मुख्य सहायक निर्देशकबाट संघको केन्द्रीय सदस्यमा दीप्त प्रकाश अधिकारी र रामकुमार श्रेष्ठ चयन भएका छन् ।
The post निर्देशक समाजको अध्यक्षमा अरुणकुमार प्रधान appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....
