विपक्षी सांसदलाई बाँडिएको ‘प्रतिनिधिसभा नियमावली २१९’ को पेज खाली

काठमाडौं । प्रतिनिधि सभाको बुधबारको बैठक विपक्षी दलहरुले अवरोध गरिरहेका छन्। प्रधानमन्त्री बालेन्द्र शाहले नीति तथा कार्यक्रम टेबुल गर्नुपर्ने अडान उनीहरुको छ। बैठक दुईपल्ट बसिसकेको छ तर बैठक कार्यसूचीमा प्रवेश गर्न सकेको छैन।

सभामुखले बारम्बार बस्न आग्रह गरिरहेका छन्। विपक्षी सांसदहरु उभिनै रहेका छन्। बीचबीचमा हाँसो र घोचपेच पनि जारी छ। सभामुखले संसद् सञ्चालन नियमावली बुझाइरहँदा नेकपा एमालेका सांसद गुरु बरालले भने सभामुखले भनेको बुँदा रहेको खाली पेज देखाएका छन्।

सांसद बरालले हाँस्दै खाली पेज देखाइरहँदा सांसदहरुबीच हाँसो फैलिएको थियो। सभामुखले पनि हाँसो रोक्न सकेनन्। प्रतिनिधिसभाको नियमावली २१९ मा सांसदहरूले पालना गर्नुपर्ने आचार संहिता उल्लेख छ ।

The post विपक्षी सांसदलाई बाँडिएको ‘प्रतिनिधिसभा नियमावली २१९’ को पेज खाली appeared first on RONB post.