नेपाली कांग्रेसले भीष्मराज आङ्देम्बेलाई संसदीय दलको नेता बनाउने तयारी गरेको छ। सोमबारको केन्द्रीय कार्यसम्पादन समितिको बैठकमा उनलाई दलको नेता बनाउने सहमति भएको हो।
सो सहमतिलाई अब सिंहदरबारमा बस्ने संसदीय दलको बैठकबाट अनुमोदन गर्ने तयारी छ।
आङ्देम्बे कांग्रेसको समानुपातिक सांसद हुन्। कांग्रेस संसदीय दलको नेतामा आङ्देम्बेसहित अर्जुननरसिंह केसी र मोहन आचार्य प्रमुख दाबेदार थिए।
पार्टीको आन्तरिक किचलोका कारण संसदीय दलको नेता चयनमा ढिलाइ भएको हो ।