काठमाडौं । कक्षा १२ को परीक्षा सोमबारदेखि सञ्चालन हुँदै छ । परीक्षामा ४ लाख १८ हजार ८ जना परीक्षार्थी सहभागी हुने राष्ट्रिय परीक्षा बोर्डले जनाएको छ।
बोर्डका अनुसार नियमिततर्फ ३ लाख ३२ हजार १ सय ७८ र आंशिकतर्फ ८५ हजार ८ सय ३० जना विद्यार्थी सहभागी हुँदैछन्। २०७९ यताका विद्यार्थी आंशिक परीक्षामा सहभागी हुनेछन्।
जापानको एभरेस्ट स्कुलबाट पनि ३६ जना विद्यार्थीले परीक्षा दिँदैछन्। काठमाडौं जिल्लामा सबैभन्दा धेरै ६४ हजार ३ सय ३८ र मनाङमा सबैभन्दा थोरै ३१ परीक्षार्थी छन् ।
परीक्षा सकिएको डेढ महिना (४५ दिन) भित्र नतिजा सार्वजनिक गर्ने बोर्डको तयारी छ । २७ वैशाखमा परीक्षा सकिनेछ ।
The post कक्षा १२ को परीक्षा आजदेखि, डेढ महिनाभित्र नतिजा appeared first on RONB post.