राष्ट्रिय स्वतन्त्र पार्टी (रास्वपा)ले स्थानीय तहको निर्वाचनका लागि उम्मेदवार छनोट गर्न समिति गठन गरेको छ।
उम्मेदवार छनोटलाई पारदर्शी, समावेशी, योग्यतामा आधारित तथा प्रणालीगत बनाउन पार्टीका सहमहामन्त्री विपिनकुमार आचार्यको संयोजकत्वमा ७ सदस्यीय स्थानीय निर्वाचन उमेदवार छनोट रूपरेखा तथा क्यान्डिडेट क्लब सम्पादन समिति गठन गरिएको जनाएको छ।
समितिमा रामकुमार (आरके) ढुंगाना, समिक्षा बास्कोटा, केपी खनाल, कामिनी चौधरी, रामकृष्ण भट्टराई र डिल्लिश्वोर कार्की (रोहन) सदस्य छन्। समितिको बिहीबार बसेको बैठकले उम्मेदवार छनोट रूपरेखा तयार गर्न सबै तहगत समितिबाट व्यवहारिक, अर्थपूर्ण र व्यवस्थित सुझाव संकलन गर्ने निर्णय गरेको छ।
