राष्ट्रिय स्वतन्त्र पार्टी (रास्वपा)ले समानुपातिक निर्वाचन प्रणालीबाट सांसद बन्ने ५७ जनाको नामावली टुंगो लगाएको छ।
आज बसेको सचिवालय बैठकले खासआर्यबाट १७, आदिवासी जनजातीबाट १६, मधेशीबाट ९, दलितबाट ८, थारुबाट ४ र मुस्लिम समुदायबाट ३ जनाको नाम टुंगो लगाएको बैठकपछि पार्टी प्रवक्ता मनिष झाले जानकारी दिए।
विधिले माग गरेअनुसार ४८ महिला र ९ पुरुषको नामावली टुंगो लगाएको र नामावली आजै निर्वाचन आयोगमा बुझाउने उनको भनाइ छ।
निर्वाचन आयोगले यी नामावली रुजु गरेर प्रमाणित गरेपछि मात्रै नाम सार्वजनिक हुने प्रवक्ता झाले जानकारी दिए।