सप्तरीमा समानुपातिकतर्फ पनि रास्वपा पहिलो

राजविराज । सप्तरीमा प्रतिनिधिसभा सदस्यको निर्वाचनमा समानुपातिक प्रणालीतर्फ पनि राष्ट्रिय स्वतन्त्र पार्टी (रास्वपा) पहिलो दल बनेको छ ।

प्रत्यक्षमा १ लाख ३५ हजार ८ सय ८६, समानुपातिकमा १ लाख ४९ हजार १ सय ८६

पत्यक्षतर्फ जिल्लाको ४ वटै क्षेत्रमा जितेको रास्वपाले समानुपातिक तर्फ पनि सर्वाधिक मत ल्याई पहिलो दल बनेको हो । प्रत्यक्षतर्फ क्षेत्र नम्बर १ मा ३८ हजार १ सय ९५, क्षेत्र नम्बर २ मा २८ हजार ४ सय ४, क्षेत्र नम्बर ३ मा ३२ हजार ८ सय ७५ तथा क्षेत्र नम्बर ४ मा ३६ हजार ४ सय १२ गरी कूल १ लाख ३५ हजार ८ सय ८६ मत प्राप्त गरेको रास्वपाले समानुपातिकतर्फ १ लाख ४९ हजार १ सय ८६ मत प्राप्त गरी पहिलो स्थान ओगोटेको छ ।

निर्वाचन कार्यालयका अनुसार ३६ हजार ६८ मत ल्याई जसपा नेपाल दोस्रो तथा २६ हजार ९ सय ६३ मत ल्याई नेपाली काँग्रेस तेस्रो स्थानमा छन् । १८ हजार ९ सय १ मत ल्याई जनमत पार्टी चौथो तथा १३ हजार ७३ हजार मत ल्याई नेकपा एमाले पाँचो स्थानमा छन् ।

जिल्लामा ४ लाख ४६ हजार ४ सय २ मतदाता मध्ये समानुपातिकतर्फ २ लाख ९३ हजार ६ सय १० जनाले मतदान गरेका थिए । जसमध्ये १६ हजार १ सय २५ मत बदर भई २ लाख ७७ हजार ४ सय ८५ मत सदर कायम भएको थियो । प्रत्यक्षतर्फ भने १९ हाजर ५ सय ६८ मत बदर भएको थियो । प्रत्येक क्षेत्रमा कम्तिमा ४ हजारको हाराहारीमा मत बदर भएको पाईएको छ ।

The post सप्तरीमा समानुपातिकतर्फ पनि रास्वपा पहिलो appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....