काठमाडौं । निर्वाचन अधिकृतको कार्यालयले धनुषा-१ बाट प्रतिनिधिसभा सदस्यमा निर्वाचित नेपाली कम्युनिस्ट पार्टी (नेकपा)का उम्मेदवार मातृका यादवलाई प्रमाण पत्र हस्तान्तरण गरेकाे छ ।
राष्ट्रिय स्वतन्त्र पार्टीका उम्मेदवारको उम्मेदवारी खारेजीले मतगणनाको अन्तिम परिणाम घोषणा विवादमा रहेको बेला मुख्य निर्वाचन अधिकृतको कार्यालयले यादवलाई निर्वाचित भएको प्रमाणपत्र हस्तान्तरण गरेको हो ।
रास्वपाका उमेदवार किशोरी साहको उमेदवारी खारेज भएपछि विवाद भएको थियो । त्यसपछि निर्वाचन आयोगले आजै मतपरिणाम सार्वजनिक गर्न निर्देशन दिएको थियो ।
अन्तिम मतगणना परिणामअनुसार यादवको १० हजार ४०३ मत आएको थियो । कांग्रेसका रामपल्टन साहको ९ हजार ५०२ र एमालेका रामचन्द्र मण्डलको ९ हजार ३१५ मत गणना भएको थियो ।
यी उम्मेदवारहरूभन्दा १३ हजारभन्दा बढी मत रास्वपाको चुनाव चिह्नमा आएको थियो । तर रास्वपाका उम्मेदवार साहको उम्मेदवारी खारेजी भएको कारणले उनको परिणाम सार्वजनिक गरिएको छैन ।
The post धनुषा–१ मा नेकपाका मातृकालाई निर्वाचित प्रमाणपत्र appeared first on RONB post.