सङ्खुवासभा । सङ्खुवासभामा प्रतिनिधिसभा सदस्य निर्वाचनमा राष्ट्रिय स्वतन्त्र पार्टी (रास्वपा) का उम्मेदवार मिङ्मा शेर्पाले मत अन्तर घटाउन थालेका छन् । प्रतिनिधिसभा सदस्य निर्वाचनमा एमालेका अर्जुनकुमार कार्की र रास्वपाका मिङ्मा शेर्पाबीच कडा प्रतिस्पर्धा भइरहेको छ ।
हालसम्मको मतगणनामा एमालेका कार्कीले १० हजार १ सय ७७ मत प्राप्त गर्दा रास्वपा उम्मेदवार शेर्पाले ९ हजार १ सय ९४ मत प्राप्त गर्दै मत अन्तर घटाएका हुन् । एमालेका कार्की र (रास्वपा) का शेर्पाबीचको ९ सय ८३ मतान्तर रहेको छ ।
त्यसैगरी, नेपाली कांग्रेसका उम्मेदवार दिपनकुमार श्रेष्ठले ७ हजार ६ सय ५९ मत प्राप्त गरेर तेस्रो स्थानमा छन् । श्रम संस्कृति पार्टीकी उमाकुमारी राईले ५ हजार ९ सय ४ मतका साथ चौथो स्थानमा छन् । नेपाली कम्युनिस्ट पार्टी नेकपाकी सरिता थापाले १ हजार ९ सय ६७ मत र राष्ट्रिय परिर्वतन पार्टीका घनश्याम वालिङ राईले ५ सय ३४ मत प्राप्त गरेका छन् । जिल्लामा १५ दलका र एक स्वतन्त्र उम्मेदवार चुनावी मैदानमा छन् ।
गणनास्थलमा सिसी क्यामेरा र तारजालीसहितको सुरक्षा व्यवस्था रहेको छ । मतपेटिकालाई जिल्ला समन्वय समितिको भवनमा कडा सुरक्षाबीच राखिएको मुख्य निर्वाचन कार्यालयले जनाएको छ । जिल्लामा १५ दलका र एक स्वतन्त्र उम्मेदवार चुनावी मैदानमा छन् ।
The post सङ्खुवासभामा मतान्तर घटनाउँदै रास्वपाका उम्मेदवार शेर्पा appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....