आजदेखि साताव्यापी सार्वजनिक बिदा, अब २५ गते मात्रै सरकारी कार्यालय खुल्ने

काठमाडौं । यस वर्ष फागुन महिनाको दोस्रो साता सर्वसाधारणका लागि पर्व र निर्वाचनको विशेष अवसर बनेर आएको छ । आजदेखि साताव्यापी सार्वजनिक बिदा सुरु भएसँगै देशभर उत्सव र निर्वाचनको छुट्टै उत्साह छाएको छ ।

सरकारले फागुन १८ र १९ गते रङहरूको पर्व होलीका लागि सार्वजनिक बिदा दिएको छ । लगत्तै फागुन २०, २१ र २२ गते प्रतिनिधि सभा निर्वाचनका लागि विशेष बिदा तय गरिएको छ । यसैगरी, २३ गते शनिबारको नियमित बिदा र २४ गते अन्तर्राष्ट्रिय महिला दिवस परेकाले लगातार सात दिनसम्म सरकारी कार्यालय, बैंक तथा वित्तीय संस्था र शिक्षण संस्थाहरू बन्द रहने भएका हुन् ।

लगातारको लामो बिदा र आसन्न निर्वाचनको चटारोले गर्दा संघीय राजधानी काठमाडौँबाट बाहिरिनेहरूको संख्यामा उल्लेख्य वृद्धि भएको छ ।

The post आजदेखि साताव्यापी सार्वजनिक बिदा, अब २५ गते मात्रै सरकारी कार्यालय खुल्ने appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....