मुस्ताङमा काँग्रेसका योगेश गौचन थकाली निर्वाचित

पोखरा । मुस्ताङ जिल्लामा नेपाली काँग्रेसका उम्मेदवार योगेश गौचन थकाली निर्वाचित भएका छन् । प्रतिनिधि सभा सदस्यको निर्वाचनअन्तरगत शुक्रबार सम्पन्न अन्तिम मतगणनामा उनले नेकपा (एमाले) उम्मेदवार इन्द्रधारा विष्टलाई १ हजार ५०१ मतान्तरले पराजित गरी दोस्रोपल्ट संघको चुनाव जितेका हुन् ।

उनले ३ हजार ३०७ मत ल्याउँदा इन्द्रधाराले १ हजार ८०६ मत प्राप्त गरेका छन् । यसैगरी, तेस्रो स्थानमा रहेका रास्वपा उम्मेदवार अद्धितीय चन्द्र थकालीले ७५९ मत प्राप्त गरे । जिल्लामा ५६ प्रतिशत मत खसेको थियो । योगेश मात्र ३२ वर्षका भए । उनी नेपाली काँग्रेस जिल्ला सभापति रोमी गौचन थकालीका छोरा हुन् ।

२०७९ को प्रतिनिधि सभा सदस्य चुनावमा योगेशले एमालेकै उम्मेदवार प्रेमप्रसाद तुलाचनलाई हराएका थिए । थासाङ गाउँपालिकाको लेतेका स्थायी वासिन्दा योगेश पर्यटन व्यवसायीसमेत हुन् ।
गण्डकी प्रदेशमा कुल १८ क्षेत्रमध्ये पहिलो नतिजा मुस्ताङबाट आएको हो ।

The post मुस्ताङमा काँग्रेसका योगेश गौचन थकाली निर्वाचित appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....